Fight For Freedom
مدرسة مخصصة للتعامل مع السلوكيات القهرية اللي ممكن نكون بنصارع معاها لسنين ومحاولاتنا للتخلص منها دايماً بتفشل وبالأخص السلوكيات الجنسية وبالتحديد إدما الإباحية. المدرسة بتعتمد بشكل أساسي على زيادة الوعي بنفسي وبالأحداث اللي حصلت في الماضي وكونت عندي حالة من عدم الاتزان في الشخصية، ووعيي بنوع المشكلة اللي في شخصيتي واللي بتسبب اني ألجأ لسلوك معين عشان أهرب به من الألم الداخلي الناتج عن حالة عدم الاتزان.
المدرسة دي الهدف منها إني أتعلم أدوات عملية للتعامل مع عدم الاتزان الداخلي والطقوس اللي بتحفزني على ممارسة سلوك قهري معين ودة بيقودني اني أوصل لدرجة من الاتزان وقيادة النفس، وأدوات تانية هتساعدني أكتشف الإصابات اللي حصلت لشخصيتي في الطفولة وطريقة الشفا منها علشان متكونش بتأثر على اختياراتي في المستقبل
المدرسة مكونة من 12 محاضرة وكل محاضرة متقسمة لمجموعة فيديوهات قصيرة علشان تسهل علينا تحصيل المادة العلمية، هتلاقي بعد كل محاضرة نشاط مرتبط بيها المفروض نشتغله علشان يكون تطبيق عملي على المحتوى اللي موجود في المحاضرة
عشان تحصل على افضل استفادة من المدرسة هتحتاج تشغل الالتزام شوية، يعني بعد ما تسمع المحاضرة ضروري تشتغل النشاط اللي بعدها، وهتحتاج تقرا جزء من كتاب حارب حربك.
الفيديوهات هتكون متاحة ليك وممكن تشوفها أي وقت، لكن نقترح عليك انك تدي المدرسة وقتها وتشوف محاضرة واحدة في الأسبوع علشان تدي نفسك فرصة تفكر كويس في الكلام اللي اتعلمته وتعمل التطبيق بتاع المحاضرة وتحوله لعادة يومية عشان تساعدك تعيش حياتك بشكل صحي
سوف نتعلم من الكورس
- جذور الشخصية الإدمانية رحلة وعي بنفسي وعي بالمشكلة وعي بتدخلات الله ما هو الادمان الجذور والأسباب
- تأثير إدمان المواد الإباحية على وظائف المخ احصائيات عن الاباحية حول العالم أجزاء أساسية من المخ الهرمونات المرتبطة بإدمان الإباحية المسارات العصبية
- الرصانة والحدود الآمنة المعايير التشخيصية للادمان الرصانةالحدود أداة من ادوات التعافي
- المعتقدات المحورية
- أخطاء التفكير الأفكار التلقائية اخطاء التفكير وكيفية ادارة افكاري
- إدارة المشاعر
- العلاقات الاعتمادية
- العلاقات الصحية
- الإساءات الاساءات جذر من جذور الإدمان عوامل شدة الإساءة انواع الإساءات الجزء الأول انواع الإساءات الجزء الثاني التعافي من الاساءات الجزء الأول التعافي من الاساءات الجزء الثاني
- الاستردادية
- ادوار العائلة
- الاحتياجات الوجدانية
- الأبوة دور الأبوة في تشكيل شخصيتي وهويتي التعافي من جرح الأبوة
